ВЕЛИКАЯ СУББОТА. Вечерня и Божественная литургия

Начало празднования Светлого Христова Воскресения.


Вечерня и Литургия Великой Субботы- первое богослужение, посвященное Воскресению Христову как историческому событию в контексте Победного Шествия Христа во ад и изведения Им его узников. Перед чтением Евангелия происходит переоблачение в белые (пасхальные) одежды, и наконец- совершается полная Божественная литургия, первая после сугубого поста на время Страстей и Погребения Христовых.


Евангелие от Матфея (Мф. 28: 1-20)



Читает диакон Александр Растворов


В вечер субботный, свитающи во едину от суббот, прииде Мария Магдалина, и другая Мария, видети гроб. И се трус бысть велий: Ангел бо Господень сшед с небесе, приступль отвали камень от дверий гроба, и седяше на нем. Бе же зрак его яко молния, и одеяние его бело яко снег. От страха же его сотрясошася стрегущии, и быша яко мертви. Отвещав же Ангел, рече женам: не бойтеся вы, вем бо яко Иисуса распятаго ищете. Несть зде: воста бо, якоже рече. Приидите, видите место, идеже лежа Господь. И скоро шедше рцыте учеником Его, яко воста от мертвых; и се варяет вы в галилеи: тамо Его узрите: се рех вам. И изшедше скоро от гроба, со страхом и радостию велиею, текосте возвестити учеником Его. Якоже идясте возвестити учеником Его, и се Иисус срете я, глаголя: радуйтеся. Оне же приступльше, ястеся за нозе Его, и поклонистеся Ему. Тогда глагола има Иисус: не бойтеся, идите, возвестите братии моей, да идут в галилею, и ту мя видят. Идущема же има, се нецыи от кустодиа пришедше во град, возвестиша архиереом вся бывшая. И собравшеся со старцы, совет сотвориша, сребреники довольны даша воином, глаголюще: рцыте, яко ученицы Его нощию пришедше украдоша Его, нам спящим. И аще сие услышано будет у игемона, мы утолим его, и вас безпечальны сотворим. Они же приемше сребреники, сотвориша, якоже научени быша. И промчеся слово сие во иудеех, даже до сего дне. Единии же надесяте ученицы идоша в Галилею, в гору, аможе повеле им Иисус. И видевше Его поклонишася Ему: ови же усумнешася. И приступль Иисус, рече им, глаголя: дадеся Ми всяка власть на небеси и на земли. Шедше научите вся языки, крестяще их во имя Отца, и Сына, и Святаго Духа, учаще их блюсти вся, елика заповедах вам. И се Аз с вами есмь во вся дни, до скончания века, аминь.



Особая Херувимская песнь, глас 8
Исполняет хор храма мученицы Татианы при МГУ



 
Да молчит всякая плоть человеча, / и да стоит со страхом и трепетом, / и ничтоже земное в себе да помышляет: / Царь бо царствующих, и Господь господствующих, / приходит заклатися и датися в снедь верным. /




Предходят же Сему лицы Ангельстии / со всяким Началом и Властию, / многоочитии Херувими, / и шестокрилатии Серафими, / лица закрывающе, и вопиюще песнь: / аллилуиа, аллилуиа, аллилуиа.



Ирмос, глас 6
(вместо Достойно есть)


Не рыдай Мене, Мати, / зрящи во гробе, / Егоже во чреве без семене зачала еси Сына: / востану бо и прославлюся / и вознесу со славою непрестанно, яко Бог, / верою и любовию Тя величающия.

 

 

 

Следите за обновлениями сайта в нашем Telegram-канале