ВЕЛИКАЯ ПЯТНИЦА. Воспоминание Святых и Спасительных Страстей Господа нашего Иисуса Христа. Утреня в храме святой мученицы Татианы при МГУ 17 апреля 2014 года

Великая Пятница посвящена воспоминаниям Святых и Спасительных Страстей Господних, начинающихся в Сионской горнице и оканчивающихся смертью Христовой на Кресте и Его Погребением. На утрене читаются 12 Страстных Евангелий.

 


Седален, глас 7 в исполнении хора храма святой мученицы Татианы при МГУ

Кий тя образ, Иудо, предателя Спасу содела? / Еда от лика тя апостольска разлучи? / Еда дарования исцелений лиши? / Еда со онеми вечеряв, тебе от трапезы отрину? / Еда иных ноги умыв, твои же презре? / О коликих благ непамятлив был еси! / И твой убо неблагодарный обличается нрав. / Того же безмерное проповедуется долготерпение, / и велия милость.



Прокимен, глас 4
протоиерей Иоанн Лапидус

Разделиша ризы Моя себе, / и о одежди Моей меташа жребий. Стих: Боже, Боже Мой, вонми Ми, вскую оставил Мя еси?



7-е Евангелие Страстей Христовых
(Мф. 27:33-54)


Во время оно, пришедше воини на место нарицаемое Голгофа, еже есть Краниево место, даша Иисусу пити оцет с желчию смешен, и вкушь не хотяше пити. Распеншии же Его разделиша ризы Его, вергше жребия. И седяще стрежаху Его ту. И возложиша верху главы Его вину Его написану: Сей есть Иисус, Царь Иудейский. Тогда распяша с Ним два разбойника: единаго одесную, и единаго ошуюю. Мимоходящии же хуляху Его, покивающе главами своими, и глаголюще: разоряяй церковь и треми деньми созидаяй, спасися Сам: аще Сын еси Божий, сниди со креста. Такожде же и архиерее ругающеся с книжники, и старцы, и фарисеи, глаголаху: иныя спасе, Себе ли не может спасти? Аще Царь Израилев есть, да снидет ныне со креста, и веруем в Него. Упова на Бога: да избавит ныне Его, аще хощет Ему: рече бо, яко Божий есмь Сын. Тожде же и разбойника распятая с Ним поношаста Ему. От шестаго же часа тьма бысть по всей земли, до часа девятаго. О девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил? Нецыи же от ту стоящих слышавше, глаголаху, яко Илию глашает Сей. И абие тек един от них, и прием губу, исполнив же оцта, и вонзе на трость, напаяше Его. Прочии же глаголаху: остави, да видим, аще приидет Илиа спасти Его. Иисус же, паки возопив гласом велиим, испусти дух. И се, завеса церковная раздрася на двое, с вышняго края до нижняго; и земля потрясеся, и камение распадеся. И гроби отверзошася, и многа телеса усопших святых восташа. И изшедше из гроб по воскресении Его, внидоша во святый град, и явишася мнозем. Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей.

Следите за обновлениями сайта в нашем Telegram-канале